newyddion
Rhifyn newydd Ontrac
Mae rhifyn newydd Ontrac ar gael nawr - darllenwch mwy ar dudalen Ontrac (gweler chwith) Cysylltwch â
trac@trac-cymru.org Yr Arbrawf Mawr
30 Hydref - 2 Tachwedd Gellid dadlau taw dyma’r gerddoriaeth sy’n tyfu cyflyma’ yng Nghymru ar hyn o bryd. Mae ‘na chwyldro tawel ar gerdded ym myd cerddoriaeth draddodiadol yng Nghymru. Nawr ‘dyn ni’n barod am Yr Arbrawf Mawr.
Cewch yn Yr Arbrawf Mawr weithdai; cewch sesiynau; cewch ganeuon ac alawon a thiwtora …. a chewch hwyl. Cewch dridiau yn llawn dop, gyda rhai o diwtoriaid gorau’r maes. Mae’n newydd sbon, wedi’i drefnu gan trac a’i noddi gan Gyngor Celfyddydau Cymru.
Ac mae’n cael ei gynnal yng Ngoleg Harlech o nos Iau, 30 Hydref tan ddydd Sul, 2 Tachwedd.
‘Dyn ni dal wrthi’n trefnu presenoldeb y tiwtoriaid gorau posib, ond gall trac eisoes gadarhau bod Maartin Allcock , Robin Huw Bowen , Arfon Gwilym a Ceri Rhys Mathews yn eu mysg. Mae rhagor i ddod!
Gŵr gwadd ‘arbennig’ y digwyddiad fydd yr offerynnwr amryddawn a’r cyfansoddwr Brian McNeill , sylfaenydd “The Battlefield Band”. Bydd Brian yn cynnal Dosbarth Meistr dyddiol, er mwyn i’r tiwtoriaid gael y cyfle i arddangos eu talentau.
Yn 2005, gofynnodd trac pa weithgareddau ychwanegol oedd y gymuned gerddoriaeth draddodiadol am eu gweld ; dyma oedd yr ateb. Cyfle i gael eu herio fel cerddorion (p’un ai’n ddechreuwyr, o allu canolog neu’n hen stejars), i ddatblygu eu sgiliau chwarae mewn ensemble, ac i ddod â phobl o Gymru gyfan at eu gilydd i ddysgu ac i fwynhau gyda’i gilydd.
Bydd digon o amser i dderbyn hyfforddiant dwys “trwyn ar y maen” yn ogystal ag amser ar gyfer chwarae hamddenol. Bydd na bytiau bach o hanes a chefndir a dognau mawr o ddysgu wrth draed y meistri.
Nid yn unig ar gyfer selogion cerddoriaeth werin! Mae cyllid o Gyngor Celfyddydau Cymru’n galluogi trac i gynnig dau le am ddim i bobl ifanc (18 – 25) nad ydynt ar hyn o bryd yn ymwneud â cherddoriaeth draddodiadol – cyfle i brofi cwrs dwys cyflym!
‘Dyn ni wedi’i alw “Yr Arbrawf Mawr” gan taw dyna beth yw e’. Tasg trac yw dod â’r holl elfennau ynghyd – ond ni all neb fod yn siwr beth fydd pen draw’r digwyddiad. Mae hynny yn nwylo’r cerddorion. Cysylltwch â
Mae manylion llawn ar gael oddiwrth Rhian Jones yn swyddfa trac ar 029 2031 8853 neu 07811 955592; rhian@trac-cymru.org. Nodiadau cynhadledd Cerddoriaeth Draddodiadol CCC ar gael
Mae nodiadau y gynhadledd undydd arloesol a gynhaliwyd gan Gyngor Celfyddydau Cymru a trac ar gael. Mae’r ddogfen, sydd ar gael yn y Gymraeg a’r Saesneg, yn cynnwys cyfraniadau oddiwrth David Francis o Fforwm Cerddoriaeth Draddodiadol yr Alban, Paul Flynn o Gelfyddydau Gogledd Iwerddon, Siân Thomas o trac, yn ogystal â throsolwg o drafodaethau’r diwrnod gan Einion Dafydd o Gyngor Celfyddydau Cymru. Cysylltwch â
Gallwch lawrlwytho eich copi yma mewn ffurf PDF. Croeso i chi anfon eich meddyliau ar y pwnc at swyddfa trac ar trac@trac-cymru.org
Mae`r fersiwn Saesneg ar gael gan dewis `Saesneg` o`r rhestr ar y chwith a mynd at ochr Saesneg y wefan. download file (230k)
Oes ganddoch chi eitem yr hoffech ei gweld yma? Cysylltwch â swyddfa trac – mae’r cyfeiriad ebost ar y chwith.
| 
